Jambyl oblysynda 47 jastaǵy azamat ustalyp, odan 1 tonnadan astam marıhýana tárkilendi

Bul týraly búgin QR Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.

«Kóknár» jedel aldyn alý is-sharasy barysynda Jambyl oblysynyń «Shý-Aspara» stansysynyń aralyǵynda jabaıy ósetin aýmaqtan Almaty oblysynyń 47 jastaǵy turǵyny ustalyp, odan salmaǵy 1 tonna 100 keli «marıhýana» esirtki zaty tárkilendi», - dedi ol.

Onyń atap ótýinshe, «Delta-Dolına» óńiraralyq esirtki bıznesine qarsy kúres bóliminiń qyzmetkerleri de taǵy da osyndaı kólemdegi marıhýana daıyndaǵan Qyrǵyzstan azamatyn qolǵa túsirgen. Sonymen qatar Qaraǵandydaǵy dárihanalardyń birinde qalanyń 35 jastaǵy turǵyny ustalyp, odan 354 gramm esirtkiniń eń aýyr túri - geroın tárkilengen.