Jambyl oblysynda 429 mln teńgeden astam bıýdjet qarajaty únemdeldi
Qazirgi tańda elimizde jáne álemde oryn alǵan indetke baılanysty kóptegen is-sharalardyń ótkizilýine qatań tyıym salynǵan. Alaıda monıtorıng barysynda memlekettik organdardyń memlekettik satyp alýdyń jyldyq josparynan kóptegen is-shara alynyp tastalmaǵany anyqtalyp otyr.
10 aıdyń qorytyndysy boıynsha QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń monıtorıngimen 429 195 297 teńge bıýjet qarajy únemdelgen. Bir ǵana mádenıet, sport baǵytynda josparlanǵan is-sharalardan 130 mln-ǵa jýyq bıýdjet qarajatyn únemdeýge qol jetkizilgen.
«Aıtalyq, Jambyl oblysy ákimdiginiń ishki saıasat basqarmasy qyrkúıek, qazan, qarasha aılaryna 7 mln teńgeden astam bıýdjet qarajatyna is-shara ótkizýdi josparlanǵan. Sondaı-aq, departamenttiń aralasýymen oblys ákimdiginiń bilim basqarmasynyń «Mektep olımpıadalaryn jáne mektepten tys is-sharalardy ótkizetin oblystyq «Jambyl daryny» ortalyǵy» kommýnaldyq memlekettik mekemesimen josparlaǵan is-sharalardan 67 mln teńge únemdeldi. Jambyl oblysy ákimdiginiń mádenıet, arhıvter jáne qujattama basqarmasynyń «Oblystyq halyq shyǵarmashylyǵy ortalyǵy» mekemesi 11 mln teńgeden astam qarajatqa josparlanǵan is-sharalar únemdeldi», - delingen atalǵan departamenttiń baspasóz qyzmetiniń habarlamasynda.