Jambyl oblysynda 4 myń adam óz kásibin bastady

TARAZ. QazAqparat - Jambyl oblysynda «Aýyl amanaty» jobasy aıasynda 4 myńǵa jýyq adam óz kásibin bastady, dep habarlaıdy QazAqparat tilshisi.Bul týraly Jambyl oblysy ákiminiń orynbasary Qanatbek Mádibek óńirlik kommýnıkatsııalar qyzmetinde ótken brıfıngte aıtty.

Onyń aıtýynsha, 2019 jyldan beri pılottyq joba bastalǵaly oblysqa 18,3 mıllıard teńge bólinip, 24 aýyldaǵy 4 myńǵa jýyq adam óz kásipterin bastaǵan. Bıyl taǵy qosymsha 24 mıllıard teńge bólingen.

«Onda 26 aýyldaǵy 5 myńǵa jýyq turǵyndy nesıelendirýdi kózdep otyrmyz. ıAǵnı, turǵyndar jeke kásipker retinde tirkelip, jumys oryndary ashylady.

Nátıjesinde osy jobamen qamtylǵan aýyl turǵyndarynyń ortasha tabysy 44 myń teńgeden 113 myń teńgege deıin artatyn bolady. Biz aldaǵy 2024-2025 jyldary respýblıkalyq bıýdjet esebinen 45,5 mıllıard teńgege qalǵan 103 aýyldyq okrýgtegi 490 myń turǵyndy qamtýdy josparlap otyrmyz. Jalpy, aýyl sharýashylyǵy salasyn qoldaýǵa bıyl 27,4 mıllıard teńge sýbsıdııa bólinip otyr», – dedi oblys ákiminiń orynbasary.

Buǵan deıin Jambyl oblysy mal sany boıynsha respýblıkada ekinshi orynda turǵanyn jazǵan bolatynbyz. 4 aıda aýyl sharýashylyǵy janýarlaryn birdeılendirý derekqorynda barlyǵy 4,5 mln bas aýyl sharýashylyǵy janýary tirkelgen.

Onyń 522 myń basy - iri qara, 3,8 mln - usaq mal, 8 myń bas - shoshqa, 180 myń bas - jylqy, 7,5 myń bas - túıe maly.