Jambyl oblysynda 4 kún buryn maldy izdeýge shyqqan aýyl turǵynynyń máıiti qar kóshkininiń astynan tabyldy
ASTANA. 25 naýryz. QazAqparat - Jambyl oblysynda 4 kún buryn maldy izdeýge ketken aýyl turǵynynyń máıiti saıdan, qar kóshkininiń astynan tabyldy, dep habarlady QR TJM-niń baspasóz qyzmetinen.
18 naýryz kúni Jambyl oblysy Qumaryq aýylynyń mańyndaǵy «Shaltaý» taý shatqalyna maldy izdeýge shyqqan Aqyrtóbe aýylynyń 1956 jylǵy jáne Qumaryq eldi mekeniniń 1959 jylǵy turǵyndary úılerine oralmady. Іzdestirý jumystarynyń nátıjesi boıynsha 22 naýryzda Qumaryq aýylynan 20 shaqyrym jerde taýly shatqalda 4-5 metr tereńdikte qar astynan Aqyrtóbe aýyly turǵynynyń máıiti tabyldy. Ekinshi er adamdy izdestirý jumystary jalǵasýda. Іzdestirý-qutqarý jumysyna Jambyl oblysy boıynsha TJD «Sýdan-qutqarý qyzmeti» MM-niń 7 adamy men 1 tehnıkasy, «Shuǵyl qutqarý jasaǵy» MM-niń 10 adamy men 3 tehnıkasy jáne jergilikti 20 turǵyn jumyldyryldy.
