Jambyl oblysynda 319 zań buzýshylyq anyqtaldy
ASTANA. QazAqparat - Jambyl oblysyndaǵy tekserýler barysynda 319 zań buzýshylyq anyqtaldy. Bul týraly Memlekettik qyzmet isteri agenttiginiń oblys boıynsha ınspektsııa jáne baqylaý bóliminiń basshysy Ermek Tumabekovtiń «Aqjol» gazetindegi maqalasynda jazylǵan. Memlekettik qyzmet isteri agenttigi Qazaqstan Respýblıkasynyń Prezıdentine tikeleı baǵynatyn jáne esep beretin, memlekettik qyzmet salasynda basshylyqty, memlekettik qyzmetter kórsetý sapasyn baǵalaý jáne baqylaýdy júzege asyratyn memlekettik organ bolyp tabylady. Agenttiktiń aýmaqtyq bólimsheleri óz qyzmetin ýákiletti organ belgilegen quzyret sheginde júzege asyrady. Agenttiktiń oblystarda, respýblıkalyq mańyzy bar qalalarda, Astanada tártiptik keńesteri bolatyndyǵy Qazaqstan Respýblıkasy «Memlekettik qyzmet týraly» Zańynyń 5-babynda aıqyndalǵan.
Tártiptik keńes hatshylyǵynyń negizgi fýnktsııalarynyń biri - Qazaqstan Respýblıkasynyń sybaılas jemqorlyqqa qarsy zańnamasy men memlekettik qyzmetshilerdiń Ar-namys kodeksin saqtaý máseleleri jóninde tekserýler nemese qyzmettik tekserýler júrgizý bolyp tabylady. Osy maqsatta bekitilgen josparǵa sáıkes josparly tekserýler, sondaı-aq, jeke jáne zańdy tulǵalardyń ótinishteri boıynsha jospardan tys tekserýler júrgiziledi.
Atap aıtqanda, 2014 jyldyń alty aıynda Memlekettik qyzmet isteri agenttiginiń oblystaǵy Tártiptik keńes hatshylyǵy aýmaqtaǵy memlekettik organdarda barlyǵy - 49, onyń ishinde 21 josparly tekserý, jospardan tys jeke tulǵalardyń ótinishteri boıynsha 9 tekserý júrgizdi. Olardan ózge, agenttiktiń tapsyrmasy boıynsha kórsetiletin memlekettik qyzmetter týraly zańnamany saqtaý máselesine qatysty jospardan tys 19 tekserý júrgizildi.
Memlekettik qyzmet týraly zańnamanyń jáne Qazaqstan Respýblıkasy memlekettik qyzmetshileriniń Ar-namys kodeksi talaptaryn saqtaý máseleleri boıynsha júrgizilgen tekserýler barysynda barlyǵy 319 zań buzýshylyq anyqtaldy. Onyń ishinde tártiptik jaza qoldaný qaǵıdasyn konkýrs júrgizý, ant qabyldaý tártibi, qyzmet etıkasy erejesin buzý faktileri kóp kezdesken.
Memlekettik qyzmet isteri agenttiginiń oblystardaǵy, Astana jáne Almaty qalalaryndaǵy tártiptik keńesteri týraly
Erejesiniń 1-tarmaǵynda Memlekettik qyzmet isteri agenttiginiń Astana jáne Almaty qalalaryndaǵy, oblystardaǵy tártiptik keńesteri memlekettik tártipti nyǵaıtý, memlekettik qyzmetshilerdiń Qazaqstan Respýblıkasynyń sybaılas jemqorlyqqa qarsy zańnamasyn jáne Qazaqstan Respýblıkasy memlekettik qyzmetshileriniń ar-namys kodeksin saqtaýy máselelerin qaraıtyn, sondaı-aq óz quzyreti sheginde memlekettik organdardyń tártiptik komıssııalarynyń jumysyn úılestiretin alqaly organ bolyp tabylatyny belgilengen.
Sondaı-aq, memlekettik qyzmetshilerdiń quqyqtary men zańdy múddelerin qorǵaý maqsatynda Qazaqstan Respýblıkasy Prezıdentiniń 1999 jylǵy 31 jeltoqsandaǵy №321 Jarlyǵymen «Qazaqstan Respýblıkasy memlekettik ákimshilik qyzmetshilerine tártiptik jaza qoldaný» Qaǵıdasy bekitilgen. Biraq tekserýler qorytyndylaryna súıensek, keıbir basshylar men kadrlyq qyzmetterdiń Qaǵıda talaptaryn saqtamaýy jıi kezdesedi.
Osy ýaqyt aralyǵynda Tártiptik keńes hatshylyǵynyń memlekettik organdarda júrgizgen tekserýleriniń barysy anyqtaǵandaı, qaǵıdanyń 28-shi tarmaǵynyń talabyn buzý faktileri jıi kezdesken. Al, qaǵıdanyń atalǵan tarmaǵynda qyzmettik tekserýdiń memlekettik organ basshysynyń buıryǵymen taǵaıyndalatyndyǵy jáne personaldy basqarý qyzmeti (kadr qyzmeti) qyzmettik tekserýdi júrgizý týraly aktini shyǵarǵan kúnnen bastap kúntizbelik on bes kúnnen aspaıtyn merzimde qyzmettik tekserýdiń júrgiziletindigi, qajet jaǵdaıda qyzmettik tekserýge ózge qyzmetshilerdiń de tartylýǵa tıistigi atap kórsetilgen. Biraq, ókinishke qaraı memlekettik organdarda qyzmettik tekserýge mekemedegi personaldy basqarý qyzmetiniń qyzmetkerlerin qatystyrmaı, zań talaptaryn burmalaý faktileri oryn alýda.
Sonymen qatar, mekemelerde qyzmetkerden túsinikteme almaı, qyzmettik tekserý júrgizbeı, máselesin tártiptik komıssııasynyń otyrysynda qaramaı, oǵan atqaratyn qyzmetine tolyq sáıkes emestigi týraly eskertý túrindegi tártiptik jaza qoldanyp, qaǵıdanyń 18-19-shy tarmaqtarynyń talaptary buzylǵandyǵy týraly da faktiler oryn alǵan.
Mysaly, oblys boıynsha kedendik baqylaý departamentin tekserý kezinde zań talaptaryn burmalaǵan 68 fakti anyqtaldy. Onyń ishinde jazbasha eskertý qarastyrylmaǵandyǵyna qaramastan jazbasha eskertý jarııalanǵandyǵy, eskertý túrindegi alynbaǵan tártiptik jazasy bola turyp, qatań sógis túrindegi tártiptik jaza berilgendigi, birqatar tártiptik jazaǵa tartylǵandardyń tártiptik jaza berilgendigi týraly buıryqtarmen tanystyrylmaǵandyǵy týraly derekter de kezdesýde.
Qazaqstan Respýblıkasy Konstıtýtsııa-synyń 33-baby 4-tarmaǵynda, «Respýblıka azamattarynyń memlekettik qyzmetke kirýge teń quqyǵy bar» dep kórsetilgen. Memlekettik qyzmetshi laýazymyna kandıdatqa qoıylatyn talaptar laýazymdyq mindetterdiń sıpatyna ǵana baılanysty bolady jáne zańmen belgilenedi. Sonymen qatar Qazaqstan Respýblıkasy «Memlekettik qyzmet týraly» Zańynyń 3-baby 5-shi jáne 6-shy tarmaqtarynda jalpy qoljetimdilik, ıaǵnı respýblıka azamattarynyń memlekettik qyzmetke qol jetkizýge jáne óz qabiletteri men kásibı daıarlyǵyna sáıkes memlekettik qyzmet boıynsha joǵarylatylýǵa teń quqyǵy, azamattardyń memlekettik qyzmetke kirýiniń eriktiligi kórsetilgen. Osyǵan qaramastan búgingi tańda konkýrstyq komıssııalardyń jumystarynda keıbir olqylyqtar kezdesedi.
Sondaı-aq, memlekettik organdarda Tártiptik keńes hatshylyǵy júrgizgen tekserýlerdiń nátıjesinde Memlekettik qyzmet isteri agenttigi tóraǵasynyń 2013 jylǵy 19 naýryzdaǵy №06-7/32 buıryǵymen bekitilgen «Bos ákimshilik memlekettik laýazymǵa ornalasýǵa konkýrs ótkizý jáne konkýrs komıssııasyn qalyptastyrý» qaǵıdasynyń (ári qaraı-Qaǵıda) talaptary saqtalmaǵan zań buzýshylyqtyń oryn alǵandyǵy anyqtalyp otyr.
Qaǵıdanyń 18-tarmaǵynyń talabyna saı, konkýrs komıssııasy ár jarııalanǵan bos laýazym úshin sol laýazymǵa úmitker kandıdattarǵa mindetti tártipte jáne birdeı kólemde qoıylatyn suraqtardyń tizbesin bekitýge tıis. Al, is júzinde osy talaptardy buza otyryp ótkizilgen konkýrstarda laýazymǵa úmitker kandıdattarǵa qoıylatyn suraqtardyń tizbesin konkýrstyq komıssııa tóraǵasynyń jeke óziniń bekite salýy jıi kezdesedi. Sondaı-aq, qaǵıdanyń 38-tarmaǵynyń talabyna sáıkes, árbir kandıdatpen áńgimelesý barysy jeke túrdegi hattamamen resimdeledi nemese tehnıkalyq jazba quraldary kómegimen belgilenedi. Alaıda, konkýrstyq komıssııalardyń atalǵan talaptardy buza otyryp, bir ǵana áńgimelesý hattamasyn toltyrǵan sátteri de az emes.
Memlekettik qyzmetke ornalasýdaǵy eń mańyzdy shekteýlerdiń biri - múlikti senimdi basqarýǵa berý bolyp tabylady. Qazaqstan Respýblıkasy «Memlekettik qyzmet týraly» Zańynyń 10-babynyń 2-tarmaǵy negizinde, Qazaqstan Respýblıkasy Úkimetiniń 2000 jylǵy 20 qańtardaǵy №99 qaýlysymen bekitilgen «Memlekettik qyzmetshilerdiń múlkin senimgerlik basqarýǵa berý» qaǵıdasynyń 5, 6-tarmaqtaryna sáıkes, memlekettik qyzmetshi qyzmetke kiriskennen keıin bir aıdyń ishinde memlekettik qyzmetti atqarý ýaqytyna osy qaǵıdanyń 1-tarmaǵynyń 2-tarmaqshasynda kórsetilgen múlikti senimdi basqarýǵa berýge mindetti. Ári memlekettik qyzmetshi múlikti senimgerlik basqarýǵa arnalǵan sharttyń notarıat kýálandyrǵan kóshirmesin notarıat kýálandyrǵan kúnnen bastap on kún merzimde jumys orny boıynsha personaldy basqarý qyzmetine (kadr qyzmetine) usynýǵa tıis. Soǵan qaramastan bul rette de zań buzýshylyq oryn alýda. Sonyń bir naqtyly dáleli retinde aǵymdaǵy jyldyń bes aıyndaǵy tekserýler kezinde memlekettik qyzmetkerlerdiń óz úlesin senimdi basqarýǵa bermegen nemese bergeni týraly sharttyń notarıat kýálandyrǵan kóshirmesin notarıat kýálandyrǵan kúnnen bastap on kún merzimde jumys orny boıynsha personaldy basqarý qyzmetine (kadr qyzmetine) tapsyrmaǵan 4 faktiniń anyqtalǵandyǵyn aıtsaq ta jetkilikti. Mine, osyndaı oryn alyp otyrǵan kemshilikterge aldaǵy ýaqytta jol bermeý úshin barlyq memlekettik qyzmetshiler udaıy zańnama talaptaryn qatań basshylyqqa alýy qajet.
