Jambyl oblysynda 30-dan astam adam qar qursaýynan qutqaryldy
TARAZ. QazAqparat - Jambyl oblysy aýdandaryndaǵy aýa raıynyń kúrt nasharlaýy avtokólik qozǵalysynyń shektelýine soqtyrdy jáne qar qursaýynan adamdardy qutqarýǵa týra keldi, dep habarlaıdy «QazAqparat» HAA tilshisi.
«Keshe Shý aýdanynda Shoqpar aýylynan 10 shaqyrym jerdegi avtojol bóliginde apatty-qutqarý jumystary júrgizildi, - dep habarlaıdy Jambyl oblysy TJD baspasóz qyzmeti. - Oblystyq TJD «Órt sóndirý jáne apatty-qutqarý jumystary qyzmeti» MM jáne jergilikti atqarý organdary kúshteri Shoqpar aýylynda 34 adam men 6 jeńil avtokólikti qar qursaýynan shyǵardy. Oǵan 8 adam men 4 tehnıka jumyldyryldy».
Odan bólek, 14 qańtar kúni aýa raıy jaǵdaıynyń nasharlaýymen (burqasyn, kórinistiń nasharlaýy) Almaty - Tashkent avtojolynyń 157 - 240 shaqyrymy («Qordaı» asýynyń aınalma joly) barlyq avtokólik túrleri úshin jabyldy. 15 qańtar kúni 13:00-de atalǵan jol bóliginde úlken júk kólikteriniń qozǵalysyna shekteý engizildi.
