Jambyl oblysynda 3 jyl buryn adam atyp, qashyp ketken kúdikti ustaldy
2017 jyldyń qazan aıynda Jýaly aýdandyq ortalyq aýrýhanasy aýdandyq polıtsııa bólimine oqtan jaralanǵan 30 jastaǵy Qoshqar ata aýylynyń turǵynyn statsıonarǵa jetkizilgeni týraly habarlaǵan. Atalǵan derek QR Qylmystyq kodeksiniń 24-baby 3-bóligi (qylmysqa oqtalý) boıynsha tirkeldi.
«Jedel-izdestirý is-sharalary barysynda osy qylmysty jasady degen kúdikpen tergeýden qashyp júrgen 30 jastaǵy jergilikti turǵyn anyqtaldy. Birqatar saraptama júrgizilip, dáleldi aıǵaq alynǵannan keıin sot oǵan qamaýǵa alý sharasyn taǵaıyndady. Sol jyldyń 22 qarashasynda oǵan izdeý jarııalanǵan», - delingen oblystyq polıtsııa departamenti baspasóz qyzmetiniń habarlamasynda.
Úsh jyldan astam ýaqyt boıy kúdikti qýdalaýdan jasyrynyp keldi. 29 naýryzda Jambyl oblysynyń polıtseıleri jedel aqparat alǵannan keıin izdestirilýde júrgen adamdy Shymkent qalasynda qolǵa túsirdi. Qazirgi ýaqytta ol ustalyp, ýaqytsha ustaý ızolıatoryna qamaqqa alyndy. Tergeý is-sharalary júrgizilip jatyr.