Jambyl oblysynda 3 bala ysty gazǵa ýlanyp qaldy
TARAZ. QazAqparat – Jambyl oblysynda bir úıdiń úsh balasy gazǵa ýlanyp, aýrýhanaǵa tústi, dep habarlaıdy QazAqparat tilshisi.
Oqıǵa týraly oblystyq Tótenshe jaǵdaılar departamentiniń baspasóz qyzmetinen habarlady.
«15 jeltoqsanda Taraz qalasy «Shóldala« massıvi, Dýlag kóshesi boıyndaǵy jeke turǵyn úıde qatty otynmen janatyn peshtiń aqaýy saldarynan (murjada tartqyshtyń bolmaýy) kómirqyshqyl gazyna ýlanyp, 2005, 2009 jáne 2015 jyly týǵan úsh bala aýrýhanaǵa jatqyzyldy», - dedi vedomstvodan.
Sondaı-aq osy kúni taǵy bir oqıǵa bolyp, bir bala zardap shekti.
«Jambyl aýdany, Aısha bıbi aýylynda jeke turǵyn úıde, dýsh qabyldaý kezinde gaz kolonkasyn paıdalaný erejelerin buzý saldarynan (murjada tartqyshtyń bolmaýy) gazǵa ýlanǵan 2005 jyly týǵan qyz aýrýhanaǵa jatqyzyldy. Qazirgi ýaqytta onyń jaǵdaıy turaqty»,-delingen aqparatta.
Mamandar turǵyndardy qaýipsizdik sharalaryn saqtaýǵa, balalardy qaraýsyz qaldyrmaýǵa shaqyrady.
