Jambyl oblysynda 29 jastaǵy kópbalaly ana altyn alqa ıesi atandy

TARAZ. QazAqparat – Jambyl oblysy Sarysý aýdanynyń ákimi Baqytjan Jaqsylyqov kópbalaly analarǵa altyn jáne kúmis alqany tapsyrdy. Mundaı qurmetke aýdan boıynsha 25 ana ıe boldy. Onyń ishinde eń jasy - 29 jastaǵy Araılym Aıtymbetova, dep habarlaıdy QazAqparat tilshisi.

Qazirgi tańda Sarysý aýdanynda kópbalaly otbasylar sany - 1655, onyń 1142-si altyn, kúmis alqa ıeleri.

Al, Jańatas qalasynda turatyn kópbalaly analar sany -1380.

Onyń ishinde 1015 ana - 4 bala jáne odan kóp balasy bar analar, ıaǵnı memlekettik járdemaqy alatyndar.

365 ana - «Altyn alqa», «Kúmis alqa», Batyr ana, 1-2 dárejeli «Ana dańqy» medal ıeleri.

Aýdan ákimi Baqytjan Jaqsylyqov búgin barlyq sanıtarlyq talaptardy saqtaı otyryp, altyn qursaqty analarǵa altyn jáne kúmis alqa men kitapshalardy saltanatty túrde tabys etti.

«Sizder tek balalaryńyzdyń aldynda ǵana ardaqty emessizder. Sizder memleket aldynda úlken eńbek sińirip, memleket aldynda eldiń demografııalyq ósýine úlken úles qosyp, abyroıdy asyrdyńyzdar», – dedi aýdan basshysy.

Shara barysynda aq jarma tilekter aıtylyp, kópbalaly analar memleket tarapynan ana men balaǵa jasalyp otyrǵan qamqorlyqqa alǵysyn aıtty.