Jambyl oblysynda 28 áskerı qyzmetshi jol apatyna ushyrady

TARAZ. QazAqparat - Búgin Taraz-Shymkent tas jolynda (Qyzyl tań burylysy) ishinde áskerı qyzmetshiler bolǵan KamAZ kóligi jol apatyna ushyrady, dep habarlaıdy «QazAqparat» HAA tilshisi.

Jambyl oblysy ákimdigi Densaýlyq saqtaý basqarmasynyń deregi boıynsha, oqıǵa ornynan №1 qalalyq aýrýhanasynyń qabyldaý bólimine 16 adam jetkizildi.

«Onyń úsheýi jan saqtaý bólimine jatqyzyldy, 11 zardap shegýshige travmatologııalyq pýnkt deńgeıinde medıtsınalyq kómek kórsetildi. Eki adam travmotologııa bólimine ornalastyryldy. Barlyq zardap shegýshilerge arnaıy medıtsınalyq kómek kórsetildi, sonyń ishinde jan saqtaý bólimindegi úsh naýqasqa  jedel sharalar júrgizilýde. Naýqastardyń jaǵdaıy bir qalypty», - dep málim etti oblystyq densaýlyq saqtaý mekemesindegiler. 

QR Qorǵanys mınıstrliginiń aqparatyna súıensek, kólik júrgizýshisi kóktaıǵaq saldarynan rýlge ıe bola almaı, joldyń jıegine shyǵyp ketip, aýdarylǵan. 

«KamAZ-da 28 áskerı qyzmetshi bolǵan. 17 adam dene jaraqattaryn aldy. Zardap shegýshiler Taraz qalasyna jaqyn jerde ornalasqan aýrýhanaǵa jetkizildi. Olardyń jaǵdaıy birqalypty. Jol apatyna qatysty tergeý jumystary júrgizilýde», - delingen Qorǵanys mınıstrliginiń resmı túsiniktemesinde.