Jambyl oblysynda 276 myń medıtsınalyq maska qory bar
Oblystyq ákimdikte ótken shtab otyrysynda qaýipti ınfektsııanyń taralýyna jol bermeý boıynsha qabyldanyp jatqan sharalar barysy saralandy. Ol týraly oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Berik Jarqynbekov pen densaýlyq saqtaý basqarmasynyń basshysy Marat Jumanqulov baıandady.
B. Jarqynbekovtyń aıtýynsha, aımaqta búginge deıin koronavırýs juqtyrǵan 49 adam tirkelgen desek, onyń ishinde Moıynqum jáne Shý aýdandarynda - bir-bir jaǵdaıdan, Merki aýdanynda - 2, Jambyl aýdanynda - 3, Taraz qalasynda - 6, Qordaı aýdanynda - 30 jáne «Delı - Taraz» baǵytynda reıs jolaýshylary arasynan 6 jaǵdaı anyqtalǵan. Naýqastarmen baılanysta bolǵan 604 adam oqshaýlanyp, karantınge alyndy.
M.Jumanqulov búgingi tańda oblystyń barlyq medıtsına qyzmetkerleri jeke qorǵaný quraldarymen jáne antıseptıktermen tolyq kólemde qamtamasyz etilgendigin aıtyp sendirdi.
Ol oblysta koronavırýstyq ınfektsııanyń taralýyna jol bermeý jónindegi is-sharalarǵa respýblıkalyq bıýdjetten 576 mıllıon teńge jáne jergilikti bıýdjetten 281 mıllıon teńge bólingenin jetkizdi. Qazirgi tańda 4,1 myń bir rettik medıtsınalyq kostıým, 276 myń bir rettik maska, 17,8 myń respırator, 4,8 myń lıtr dezınfektsııalyq quraldar men antıseptıkter jáne basqa da medıtsınalyq buıymdar men preparattar qory bar.
Sondaı-aq, óńirde zańsyz aınalymnan tárkilengen etıl spırtinen 13 myń lıtrden astam antıseptık daıyndalyp, oblystyń medıtsınalyq mekemelerine jiberilgen. Antıseptıkterdiń qosymsha kólemin 216 myń lıtr konfıskattan alý josparlanýda.