Jambyl oblysynda 245 kitaphana ınternetke qosylǵan
ASTANA. QazAqparat - Jambyl oblysynda 245 kitaphana ınternetke qosylǵan. Bul týraly Óńirlik kommýnıkatsııalar qyzmetinde ótken brıfıngte oblys ákimdigi mádenıet, muraǵattar jáne qujattama basqarmasynyń basshysy Dúısenaly Byqybaev habarlady.
Búgingi tańda aımaqta 288 memlekettik kitaphana oblys halqyna qyzmet kórsetip otyr. Osy kitaphanalardyń kitap qoryn tolyqtyrý jumysy jyldan jylǵa ilgerilep, nátıjesinde oblys kitaphanalarynyń kitap qory - 3 434 746 danany qurap, onyń memlekettik tildegisi 1 638 327-ge jetti. Zaman talabyna saı 288 kitaphananyń 245-i ınternetke qosylyp, 265 -i tolyq kompıýtermen qamtylǵan. Oblys kitaphanalaryn avtomattandyrý baǵytynda jalpy 262 kitaphana (91%) arnaıy kitaphanalyq baǵdarlamalarmen jumys jasaýda.
Kitaphanalardyń materıaldyq-tehnıkalyq jaǵdaıyn jaqsartý maqsatynda 13 589,6 myń teńge jumsaldy.
