Jambyl oblysynda 200-den astam pedagog zańsyz jalaqy alǵan

TARAZ. QazAqparat - Jambyl oblysynda 200-den astam pedagog 24 mıllıon teńge kóleminde zańsyz jalaqy alǵan, dep habarlaıdy QazAqparat tilshisi.

Bul qarajat negizinen múmkindigi shekteýli 225 balany úıde oqytý úshin bólingen. Biraq mektep muǵalimderi olarǵa múldem sabaq bermese de jalaqy jazdyryp, alyp kelgen. Mundaı zańsyzdyq Jambyl oblysynyń 6 birdeı aýdanynan anyqtalyp otyr. Olardyń eń kóbi Baızaq aýdanynda. Ondaǵy 26 mekteptiń 30-ǵa jýyq muǵalimi ótkizbegen dáristeri úshin 11 mıllıon 200 myń teńge jalaqy alǵan. Zań buzýshylyqty prokýratýra ókilderi anyqtady. Osy iske qatysy bar delingen 253 bilim salasynyń qyzmetkeri jaýapqa tartyldy.

«50-den asa mektep dırektory, 6 aýdandyq bilim bóliminiń basshysy, 100-den asa mektep dırektory orynbasarlary tártiptik jaýapkershilikke tartyldy. Eń bastysy, úkimetke keltirilgen 24 mıllıon teńge bıýdjetke keri qaıtaryldy», – deıdi oblys prokýrorynyń aǵa kómekshisi Erkin Qýanyshev.

Aıta keteıik, oblysta 8 myńǵa jýyq múmkindigi shekteýli bala bar. Onyń 10 paıyzy úıden oqytylady. Eske salaıyq, buǵan deıin Tarazda buryn sottalǵan 33 azamat qaıta qamaldy dep jazǵan bolatynbyz.