Jambyl oblysynda 2,5 tonna esirtki zańsyz aınalymnan shyǵaryldy
Jambyl oblystyq Polıtsııa departamenti esirtki qylmysyna qarsy is-qımyl basqarmasynyń bastyǵy Álim Bajyqbaevtyń aıtýynsha, respýblıkalyq aılyq barysynda jambyldyq polıtseıler jergilikti atqarýshy organdarmen birlesip birqatar profılaktıkalyq is-sharalar, sonyń ishinde sporttyq, mádenı, qaıyrymdylyq aktsııalary, semınarlar, kezdesýler men dárister ótkizgen. Sonyń biri nashaqorlyqqa qarsy kúres aılyǵynyń aıaqtalýyna baılanysty 2 000-ǵa jýyq adamnyń qatysýymen «Esirtkisiz bolashaq» aktsııasy Tarazdaǵy Q.Rysqulbekov atyndaǵy saıabaqta ótti.
Taraz qalasy ákiminiń orynbasary Dáýir Dáýletov, Jambyl oblysy PD Esirtki qylmysyna qarsy is-qımyl basqarmasy bastyǵynyń orynbasary Dinmuhambet Qoıtorıev, qoǵam belsendileri men eriktiler qatysqan aktsııada D.Dáýletov polıtseılerge nashaqorlyqpen kúreske qosyp júrgen eleýli úlesi úshin alǵysyn bildirdi.
«Nashaqorlyqtyń aldyn alý jáne esirtkiniń zańsyz aınalymyna qarsy kúres – memlekettik saıasattyń mańyzdy baǵyttarynyń biri. Aılyq barysynda polıtseıler oblystyq sport, mádenıet, densaýlyq saqtaý, bilim basqarmalarynyń ókilderimen, eriktilermen jáne úkimettik emes uıymdarmen birlesip 298 is-shara ótkizdi. Osyndaı kezdesýler aýdandarda da ótti», – dedi D.Qoıtorıev.
Aktsııa barysynda aılyqqa belsendi qatysqany úshin birqatar qyzmetker Alǵys hatpen marapattalyp, ózderiniń kásibı daǵdylaryn kórsetken qoıylymdar qoıdy. Jasóspirimderge basketbol, voleıbol, toǵyzqumalaqtan jarystar uıymdastyrylyp, polıtseıler zańsyz aınalymnan alynǵan esirtkini órtep jiberdi. Qala turǵyndary men qonaqtary úshin kontserttik baǵdarlama qoıylyp, balmuzdaq taratyldy.
Aıta keteıik, buǵan deıin Qazaqstan azamaty «Qordaı» beketinde 1 keli gashıshpen ustalǵanyn jazǵan bolatynbyz.
