Jambyl oblysynda 190 gektar bıdaı alqaby órtenip ketti
TARAZ. QazAqparat - Jambyl oblysynda astyq alqaptarynda órt boldy, dep habarlaıdy QazAqparat tilshisi Jambyl oblystyq tótenshe jaǵdaılar departamentiniń baspasóz qyzmetine silteme jasap.
Departamenttiń «Órt sóndirý jáne apattyq-qutqarý qyzmetiniń» qutqarýshylary sharýa qojalyqtary alqaptaryndaǵy tilsiz jaýmen alty saǵat boıy kúresti.
«Rysqulov aýdanyndaǵy Órnek aýyldyq okrýginde, Jarlysý aýylynan 15 km, Qulan aýylynan 50 km jerde astyq alqaby órtendi. «Sháýshen» sharýa qojalyǵyna qarasty 190 gektar bıdaı alqaby, «Aıan» sharýa qojalyǵynda 150 gektar arpa alqaby órtendi. Budan bólek, 35 gektar jerde qýraǵan shóp te órtengen. Órttiń jalpy aýmaǵy 375 gektardy qurady», - dep málimdedi TJD baspasóz qyzmeti.
Órt tórt saǵatta aýyzdyqtalyp, taǵy eki saǵattan keıin tolyqtaı sóndirildi.
Órtti sóndirýge jalpy 49 adam jáne 16 tehnıka jumyldyrylǵan.
TJD ókilderiniń aıtýynsha, óńirdegi aptap ystyq mı daladaǵy órttiń tutanýyna ákep soqtyrýda.
Eske sala keteıik, Qazgıdromet alty oblysta aptap ystyqqa baılanysty órt tutaný qaýpi saqtalatynyn eskertken bolatyn.
Avtor: Galına Skrıpnık
