Jambyl oblysynda 19 myńǵa jýyq kóshet otyrǵyzyldy
TARAZ. QazAqparat –Jambyldyqtar búgingi respýblıkalyq kógaldandyrý aktsııasyna belsene atsalysty, dep habarlaıdy QazAqparat.
Sharaǵa oblys basshysy Asqar Myrzahmetov bastaǵan ákimdik apparaty, aýdan ákimderi, Ardagerler keńesiniń músheleri, ózge de uıymdar men qoǵamdyq birlestikterdiń tóraǵalary qatysty.
Oblys boıynsha barlyǵy 18 466 adam 19 myńǵa jýyq kóshet otyrǵyzdy. Onyń ishinde, qaraǵaı, shyrsha, qaraǵash, arsha, terek, emen, sheten, aılant sekildi aǵash túrleri bar. Senbilik óńirdegi 98 eldi mekendi qamtydy.
Aıta keteıik, aımaq basshysy tal egý aktsııasyna oblystyń shalǵaı aýdany – Moıynqumda qatysty. Onda moıynqumdyq jastar men ózge de jurtshylyqpen birge «Jaz Ata», «Jasyl el» saıabaqtaryna kóshet egip, sharaǵa qarqyndy úles qosty. Atalǵan aktsııa aıasynda oblys ákimi Asqar Myrzahmetov jáne Moıynqum aýdany ákimi Máden Musaev týıa, emen, terek aǵashtaryn otyrǵyzyp, ıgi istiń mańyzdylyǵyna toqtalyp ótti.
Búkilálemdik jasyl jelek otyrǵyzý kúnine oraılastyrylǵan shara oblystyń barlyq aýdandarynda da joǵary deńgeıde uıymdastyryldy.
