19:46, 19 Tamyz 2021 | GMT +5
Jambyl oblysynda 179 adam jansaqtaý bóliminde jatyr
TARAZ. QazAqparat – Jambyl oblysynda 179 naýqas jansaqtaý bóliminde jatyr, dep habarlaıdy QazAqparat tilshisi.

Sońǵy málimet boıynsha Jambyl oblysynyń ınfektsııalyq statsıonarlaryna barlyǵy 3 634 tósek oryn qarastyrylǵan, onyń ishinde 1 976 kereýet toltyrylǵan, bul - 54 paıyz.
«Qazirgi tańda jansaqtaý bólimderinde 179 naýqas em qabyldaýda. Ótken táýlikte KVI-dyń 219, pnevmonııanyń 37 jaǵdaıy tirkeldi. Búginge deıin aýrýhanadan barlyǵy – 11 713 azamat saýyǵyp shyqty. Karantındik statsıonarlarǵa 23 tulǵa ornalastyrylǵan. 10 zerthanada táýligine shamamen 2600-2800 PTR zertteý júrgizilýde», - delingen oblystyq densaýlyq saqtaý basqarmasynyń baspasóz qyzmeti taratqan habarlamada.