Jambyl oblysynda 15 jastaǵy qyz joǵalyp ketti
TARAZ. QazAqparat – Jambyl oblysynda 15 jastaǵy qyz joǵalyp ketti,- dep habarlaıdy QazAqparat tilshisi.
Jambyl oblysy T. Rysqulov aýdanynyń polıtsııa bólimi Qulan aýylynyń turǵyny, kámelet jasqa tolmaǵan 2005 jyly týǵan Kenesh Aıdana Sabyrjanqyzyna izdeý salýda.
«Ol bıylǵy jyldyń 5 jeltoqsanynda saǵat 11:00-der shamalarynda úıinen belgisiz jaqqa shyǵyp ketip, qaıta oralmaǵan. Bul qyzdy kórgen, bilgenderiniz bolsa T. Rysqulov aýdany polıtsııa bólimine habarlasýlarynyzdy ótinemiz. Ústinde qońyr erler kúrteshesi, basynda aq tústi qystyq bas kıim, qońyr jempir, qońyr shalbar jáne qara tústi qys mezgiline arnalǵan etik bolǵan»,-delingen oblystyq Polıtsııa departamentiniń baspasóz qyzmetiniń habarlamasynda.
