Jambyl oblysynda 14 jastaǵy oqýshy sýǵa batyp ketti
TARAZ. QazAqparat - Jambyl oblysynda taǵy bir adam sýǵa batyp ketti, dep habarlaıdy QazAqparat óńirlik tótenshe jaǵdaılar departamentine silteme jasap.
«18 maýsym kúni 18:15-te Aqbulym aýylynyń turǵyndary «Bazarbaı» arnasynan 2004 jyly týǵan jasóspirimniń denesin shyǵaryp aldy. Ol shomylýǵa bolmaıtyn jerde shomylyp júrip, sýǵa batyp ketken», - deıdi vedomstvo ókilderi.
Tótenshe jaǵdaılar departamentiniń málimdeýinshe, 14 maýsym kúni 12:40-ta Shý aýdanynyń Qonaev aýylynda da arnada shomylyp júrgen er adam sýǵa batyp ketken.
Bul - jyl basynan bergi segizinshi qaıǵyly oqıǵa. 2017 jyly 33 adam sýǵa batyp, ómiri qıylǵan, sonyń 22-si - balalar bolatyn.
