Jambyl oblysynda 13 jasar jasóspirim sýǵa batyp ketti
TARAZ. QazAqparat – Jambyl oblysy Talas aýdany Qarataý qalasynda Jartas kólinde jabdyqtalmaǵan jerde shomylyp júrgen 6-synyp oqýshysy sýǵa batyp ketti,- dep habarlaıdy QazAqparat tilshisi.
Qaıǵyly oqıǵa týraly qutqarý qyzmetine habarlama túsken. Qutqarýshylar kelgenge deıin jergilikti turǵyn 2008 jyly týǵan jasóspirimdi sýdan shyǵaryp, oǵan dárigerge deıingi kómek kórsetýge tyrysty. Biraq, ókinishke qaraı, jasóspirimdi qutqarý múmkin bolmady. Bul týraly Jambyl oblysy Tótenshe jaǵdaılar departamentiniń baspasóz qyzmeti habarlady.
«Mán-jaı anyqtalýda, sot-medıtsınalyq saraptama taǵaıyndaldy. Jambyl oblysy TJ departamenti ata-analardan ózderiniń ata-analyq mindetterine jaýapkershilikpen qaraýdy jáne óz balalaryna tabıǵı ortadaǵy qarapaıym qaýipsizdik erejelerin úıretýdi suraıdy»,-dep turǵyndardy saq bolýǵa shaqyrady» delingen vedomtsvo habarlamasynda.
