Jambyl oblysynda 129 adam qyzylsha aýrýyn juqtyrǵan
TARAZ. QazAqparat - Jambyl oblysynda qyzylsha aýrýy beleń alyp barady, dep habarlaıdy QazAqparat.
Oblysta sońǵy bir aıdyń ishinde bul dertti juqtyrǵandardyń sany úsh esege kóbeıip ketken. Máselen, ótken aıda oblys boıynsha osy aýrýǵa 40 adam shaldyqsa, qazir bul kórsetkish 129-ǵa jetti. Olardyń 100-ge jýyǵy bala bolsa, onyń 50 shaqtysy áli bir jasqa tolmaǵan náresteler eken.
Qazir epıdemııaǵa qarsy sharalar qarqyn alyp, táýlik saıyn monıtorıng jasalyp jatyr.
Mamandardardyń aıtýynsha, aýyrǵandardyń deni ekpe alýdan bas tartqandar men vaktsına alý jasyna jetpegen balalar.
«Qyzylshadan qorǵanýdyń jalǵyz tıimdi joly vaktsına. Qyzylshaǵa qarsy vaktsına jetkilikti. Qoımada qazirgi tańda 7900 doza vaktsına bar. Endi turǵyndarǵa aıtatynymyz, vaktsınadan jáne basqa da aýrýlarǵa vaktsına alýdan bas tartýǵa bolmaıdy»,-deıdi oblystyq Qoǵamdyq densaýlyq saqtaý departamenti basshysynyń orynbasary Kúmisbek Rahımov.
Aıta keteıik, búginge deıin ekpe alǵany týraly eshbir málimet joq 691 adamǵa ekpe jasalǵan. Sondaı-aq, jyl basynda 1 jasqa deıingi jáne 6 jastaǵy 3 myńǵa tarta balaǵa qyzylshaǵa qarsy ekpe salynǵan.
