Jambyl oblysynda 112 jastaǵy keıýana turady
TARAZ. QazAqparat – Jambyl oblysy Jambyl aýdanynda 112 jastaǵy qart ájeı turady, dep habarlaıdy QazAqparat tilshisi.
Sonaý 1910 jyly týǵan Kúlbaram Súgirova búginde 1 ul, 2 qyzynan 12 nemere, 22 shóbere, 4 shópshek súıip otyr.
Ol qýǵyn-súrgin, asharshylyq, soǵysty basynan ótkizgen. Uly Otan soǵysy kezinde Jambyl qant zavodynda jumysshy bolyp istegen. Kúndiz qara jumystyń ortasynda bolsa, túnde maıdanǵa jyly
qolǵap, moıyn oraǵysh, ton tikken.
Soǵystan keıin «Asa» sovhozynda qyzylsha brıgadasynda qyzylshashy bolyp jumys atqardy. Uzaq jylǵy eleýli eńbegi úshin túrli medaldarmen, Qurmet gramotalarymen marapattalǵan.
Halyqaralyq áıelder merekesine oraı 112 jastaǵy ájeıdi Jambyl oblysynyń ákimi Berdibek Saparbaev arnaıy quttyqtap bardy.
Aımaq basshysy ǵasyrdan asqan qart aqjaýlyqtyǵa izgi lebizin jetkizip, syı-syıapat jasady.
«Biz ózderińizdeı aldyńǵy býyn ata-apalarǵa kóp-kóp
qaryzdarmyz. Sizder asharshylyq pen soǵys sekildi kóptegen qıynshylyqty kórip óstińizder. Eshbir moıymaı, bolashaq urpaq úshin aıanbaı eńbek ettińizder.Sizderdiń ǵumyr joldaryńyz – búgingi býyn úshin úlgi-ónegege toly. Sizder naǵyz eńbeksúıgishtiktiń, eljandylyqtyń, qaısarlyqtyń úlgisisizder. Áli de aramyzda, nemere men shóbereniń, shópshektiń ortasynda kúlip-oınap, aman júre berýińizge nıettespin. Merekeńizben!»,-dep yqylas
bildirgen oblys ákimi jaqyn arada óńirdegi 100-den, 90-nan asqan qarttardyń basyn qosyp, úlken ıgi shara ótkizý josparda bar ekenin aıtty.
Óz kezeginde Kúlbaram ájeı de memleket, oblys basshylyǵyna degen rızashylyǵyn jetkizip, elimizde beıbitshilik, qoǵamda tynyshtyq bolýyn tilep, turaqtylyqtyń baǵasyn bilýge shaqyrdy.
