Jambyl oblysynda 11-synyp oqýshysy asýly kúıinde tabyldy
TARAZ. QazAqparat – Jambyl oblysynyń T.Rysqulov aýdanynda 11-synyp oqýshysy asýly kúıinde tabyldy. Bul týraly oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.
«Aǵymdaǵy jyldyń 30 qarashasynda, saǵat 17.30-da T. Rysqulov aýdandyq polıtsııa bólimine óz úıiniń saraıynan 11-synyp oqýshysy, 16 jastaǵy qyzdyń máıiti tabylǵany týraly habarlama tústi. Qazirgi ýaqytta fakti boıynsha QR QK-niń 105-baby 3-bóligi (óz-ózine qol jumsaýǵa deıin jetkizý) boıynsha sotqa deıingi tergeý júrgizilýde», - delingen vedomstvo málimetinde.
Búginde barlyq qajetti saraptamalar taǵaıyndalǵan. Kámeletke tolmaǵan bala buǵan deıin eshqandaı teris qylyq kórsetip, esepke ilinbegendigi anyqtalyp otyr.
Atalǵan fakti Jambyl oblystyq Polıtsııa departamenti basshylyǵynyń baqylaýynda.
T.Rysqulov aýdanyń ákimi Erbolat Sadyrqulov Facebook-tegi paraqshasynda jazǵandaı, osy oqıǵaǵa qatysty aýdandyq bilim bóliminiń basshysy men mektep dırektory qyzmetterinen bosatyldy.
«Ókinishke oraı, 2019 jyldyń 30 qarashasy kúni qaıǵyly oqıǵa boldy. Jaǵdaı oryn alǵan sátten otbasyna aýdan prokýrory D.Raıymqulov, aýdan ákimi orynbasary B.Álpeıisov, bilim bólimi basshysy E.Seıtjaparov jáne aýdandyq polıtsııa bólimi qyzmetkerlerinen quralǵan jedel tergeý toby, arnaıy mamandar baryp,jaǵdaıdy zerdeledi. Sol kúni keshki saǵat 18:30-da meniń tóraǵalyǵymmen aýdan ákimdiginde aýdan prokýrory jáne aýdan ákiminiń orynbasary, bilim bólimi basshysynyń qatysýymen oqıǵaǵa qatysty jedel shtab otyrysy ótkizildi. Qazirgi ýaqytta zań aıasynda tıisti tergeý jumystary jalǵasýda. Bilim bóliminiń basshysyn jáne mektep dırektoryn jumystan bosatý týraly naqty sheshim qabyldandy», - dedi E.Sadyrqulov.
