Jambyl oblysynda 100 gektar jerdi sharpyǵan órt sóndirildi
ASTANA. QazAqparat - Jambyl oblysynda tutanǵan quraǵan shóp órti sóndirildi, dep habarlaıdy QazAqparat ІІM Tótenshe jaǵdaılar komıtetiniń baspasóz qyzmetine silteme jasap.
Eske sala keteıik, oqıǵa keshe, 4 mamyr kúni shamamen 14 saǵat 57 mınýt kezinde bolǵan. Órtengen aýmaq Jambyl oblysynyń Baızaq aýdanyndaǵy orman jáne janýarlar álemin qorǵaý memlekettik mekemesine («Belqudyq-Qaramatý» bóligi) tıesili. Jalyn sharpyǵan aýmaq aldyn ala málimetter boıynsha 100 gektardy qurap otyr.
«Órt 23:00-de aýyzdyqtalyp, 5 maýsym kúni 01:20-da tolyqtaı sóndirildi. Qurban bolǵandar joq, eshkim zardap shekpegen», - dep málimdedi Tótenshe jaǵdaılar komıtetiniń resmı ókili Rýslan Imanqulov.
