Jambyl oblysynda 1 mln jymqyrǵan sheneýnik eki jylyn túrmede ótkizedi

NUR-SULTAN. QazAqparat - Jambyl oblysynda aýdandyq jumyspen qamtý ortalyǵynyń basshysy sybaılas jemqorlyq qylmysy úshin sottaldy. Bul týraly QR Sybaılas jemqorlyqqa qarsy is-qımyl agenttiginiń baspasóz qyzmetinen málim etti, dep habarlaıdy QazAqparat tilshisi.

Jambyl oblysy boıynsha Sybaılas jemqorlyqqa qarsy is-qımyl agenttiginiń departamenti budan buryn «Talas aýdany ákimdiginiń halyqty jumyspen qamtý ortalyǵy» KMM dırektory E. Erkebaevqa qatysty sotqa deıingi tergeýdi aıaqtaǵanyn málim etti.

«E. Erkebaev senip tapsyrylǵan múlikti jalpy somasy 1 mln teńgege taýarlyq-materıaldyq qundylyqtar túrinde jymqyrǵan. Talas aýdandyq sotynyń úkimimen E. Erkebaev qaýipsizdik jaǵdaıy tómen túzeý mekemesinde jazasyn óteýmen 2 jylǵa bas bostandyǵynan aıyryldy», - delingen habarlamada.

Ol sondaı-aq ómir boıyna memlekettik qyzmette jáne jergilikti ózin-ózi basqarý organdarynda qyzmet atqarý quqyǵynan aıyryldy.