Jambyl oblysynan kóktemgi áskerı naýqanǵa 1500 azamat shaqyrtyldy

TARAZ. QazAqparat – TARAZ. QazAqparat – Jambyl oblysy boıynsha bıyl kóktemgi naýqanǵa 1500-ge jýyq azamat merzimdi ásker qyzmetinde óz boryshtaryn óteıdi. Bul týraly ÓKQ alańynda Jambyl oblysy Qorǵanys isteri jónindegi departament bastyǵy Ǵalymjan Tasjanov aıtty, - dep habarlaıdy QazAqparat tilshisi.

«Bıyl 5 aqpanda Prezıdentimiz Jarlyqqa qol qoıǵan bolatyn. Osyǵan oraı 1 naýryzdan bastap aımaq azamattaryn kóktemgi merzimdi áskerı qyzmetke shaqyrý júrýde. Kóktemgi naýqan bıyl 1 shildege deıin aıaqtalady. QR Qarýly Kúshteriniń, basqa da áskerleri men áskerı quramdary qataryna 18 ben 27 jas aralyǵyndaǵy azamattar shaqyrtylady» - dedi Ǵ. Tasjanov

Búginde koronavırýs keseliniń keń taralýyna baılanysty áskerı sanıtarlyq talaptar qatań saqtalmaq. Bul baǵytta kóktemgi áskerge shaqyrýdy habardar etýdiń ózi avtomattandyrylǵan. ıAǵnı pılottyq rejımde merzimdi áskerı qyzmetke shaqyrylýshylarǵa SMS-habarlamalar taratylýda. Habarlama joldaý «1414» qyzmeti arqyly júzege asyrylýda.

«Kóktemgi áskerge shaqyrý barysynda áskerge shaqyrylýshylarǵa PTR zertteýi 2 ret júrgiziledi. Áýelgisi áskerge shaqyrý kezindegi oblystyq jıyn pýnktinde. Ekinshisi áskerı bólimderge kelgen kezde júrgiziledi» - dedi, polkovnık.

Spıker alaıaqtarǵa aldanbaý týraly da aıtyp ótti. Búginde áskerge shaqyrýdy keıinge qaldyrý, odan bosatý máselelerin aıtyp kómek kórsetemin deýshiler kóbeıgen. Aqsha alý úshin aldap, aıanbaıtyn adamdardan alshaq bolýǵa shaqyrdy.