Jambyl oblysyna jetkizilgen vaktsınany birinshi bolyp oblys ákiminiń orynbasary saldyrdy
TARAZ. QazAqparat – Búgin Tarazǵa reseılik «Spýtnık - V» vaktsınasynyń alǵashqy 1000 dozasy jetkizildi, dep habarlaıdy QazAqparat tilshisi.
Eń aldymen, vaktsına eń aldymen koronavırýs juqtyrǵan adamdarmen tikeleı baılanysta bolatyn medıtsına qyzmetkerlerine egiletin bolady. Olardyń qatarynda ınfektsıonıst dárigerler, reanımatologtar, qabyldaý bólimi men jedel járdem, sanıtarlyq-epıdemıologııalyq qyzmet mamandary bar.
Búgin tańerteń Tarazdaǵy №4 qalalyq emhanaǵa alǵashqy 50 doza kelip tústi.
Vaktsınatsııa tek erikti túrde júrgiziletinin atap ótken jón.
Vaktsınany alǵashqylardyń biri bolyp oblys ákiminiń orynbasary Berik Nyǵmashev pen densaýlyq saqtaý basqarmasynyń basshysy Áset Qalıev qabyldady.
«Protsedýra aýyrsynýsyz ótti, ózimdi jaqsy sezinemin. Biz ujymdyq ımmýnıtetti qalyptastyrý úshin vaktsınatsııalaýdan bas tartpaýymyz kerek. Ekonomıkanyń damýy jáne turǵyndardyń qalypty tirshilikke tezirek oralýy úshin joldaǵy kedergilerdi eńserý kerekpiz», - dedi Berik Nyǵmashev.
Al, Áset Qalıevtiń aıtýynsha, 18-64 jas aralyǵyndaǵy oblys halqynyń 52 paıyzyn vaktsınatsııalaý josparlanýda.
