Jambyl oblysyna úsh aıda 69 mıllıard teńge ınvestıtsııa tartyldy

TARAZ. QazAqparat - Jyldyń alǵashqy úsh aıynda Jambyl oblysyna 69 mıllıard teńge ınvestıtsııa tartylyp, ósim 3,1 paıyzdy quraǵan. Jalpy, bıyl oblysqa 572 mıllıard teńge ınvestıtsııa tartý josparlanǵan, dep habarlaıdy QazAqparat tilshisi.

Sonymen qatar, óńirde bıyl 85,4 mıllıard teńgege 21 ınvestıtsııalyq joba iske asyp, 500-ge jýyq jumys orny ashylady. Bul týraly QR Premer-Mınıstriniń orynbasary — Qarjy mınıstri Erulan Jamaýbaevtyń oblysqa jasaǵan jumys sapary barysynda aıtyldy. Іssapar aıasynda mınıstr Taraz qalasynyń turǵyndarymen kezdesti.

«Bıyl birinshi toqsan qorytyndysy boıynsha ekonomıkalyq ósim 102,4 paıyzdy qurady. Inflıatsııa deńgeıi naýryz aıynda 3,1 paıyzǵa jetti. Al ózindik kirister 31,4 mıllıard teńgege oryndalyp, 56,1 paıyzǵa artty», – dedi kezdesýde Jambyl oblysy ákiminiń orynbasary Nurjan Kalenderov.

Aıta keteıik, budan buryn Jambyl oblysynda 700 mln dollardyń memorandýmdaryna qol qoıylyp, 20-ǵa jýyq kelissóz júrgizildi,

Buǵan deıin Jambyl oblysynda gofrlengen karton óndirý zaýyty ashyldy dep habarlaǵan bolatynbyz. Bul is-shara Tarazda «ZHEIF-2023» halyqaralyq ekonomıkalyq jáne ınvestıtsııalyq forýmy aıasynda ótken bolatyn.