Jambyl oblysyna 72 jastaǵy qart koronavırýstan aıyqty
Taraz qalasynyń 72 jastaǵy turǵyny Qarataý qalasynda turatyn ulyna qonaqqa kelgen. Koronavırýs ınfektsııasynyń belgileri birer kúnnen soń-aq aıqyn biline bastaıdy. Dene qyzýy joǵary kóterilip, tamaqqa tábeti bolmaı, álsizdenip jaǵdaıy nasharlaı bergen.
Naýqas Talas aýdandyq ortalyq aýrýhanasynyń provızorlyq statsıonaryna shuǵyl túrde jatqyzylady. Onymen qosa, patsıenttiń qant dıabeti, arterııalyq gıpertenzııa, pankreatıt syndy qosalqy sozylmaly aýrýlary bolǵan. Júrgizilgen emnen soń da densaýlyǵy jaqsarmaǵandyqtan, aqyry ol jansaqtaý bólimine aýystyrylady.
Dárigerlerdiń jeldel júrgizilgen emdik sharalary men dári-dármektiń arqasynda qarııa biraz ýaqyttan soń jazylyp shyqty.
«Bul jaǵdaıdy bastan ótkizbeı, eshkim túsine almaıdy. Aýrýdyń bar ekenine senbeı júrgen azamattarǵa aıtarym: salǵyrttyq tanytpańyzdar. Ózińizdi oılamasańyz da, basqalarǵa zııanyńyz tımesin. Men kórgen qıyndyqty eshkimniń basyna salmasyn dep tileımin. Eń mańyzdysy – betperde taǵyp júrý kerek. Ózimniń atymnan barlyq dárigerler men meıirbekelerge, sheksiz rızashylyǵym men alǵys bildiremin»- deıdi ol.