Jambyl oblysyna 544 patrýldik polıtsııa qyzmetkeri jetispeıdi
Bul týraly segizinshi shaqyrylǵan Jambyl oblystyq máslıhatynyń kezekti ekinshi sessııasynda málim boldy.
Jambyl oblystyq polıtsııa departamenti basshysynyń birinshi orynbasary Qurmet Májikenovtiń aıtýynsha, oblys halqy sanynyń ósýine baılanysty búginde jergilikti ishki ister organyna qosymsha 154 ýchaskelik polıtsııa ınspektory men 288 kómekshi qajet. Óńirde patrýldik polıtsııa qyzmetkerleriniń sany da jetispeıdi. Tıimdi jumys isteý úshin qosymsha 544 patrýldik polıtsııa qyzmetkeri qajet.
«Іshki ister organdarynyń materıaldyq-tehnıkalyq jaraqtandyrylýy jaıyna qysqasha toqtalsaq, óńirdegi ýchaskelik polıtsııa pýnktteriniń 163-i jylýmen qamtamasyz etilgen. Al, 18-inde jylytý júıesi múldem qarastyrylmaǵan.
Jalpy, oblystyq polıtsııa departamentinde ýchaskelik polıtsııa ınspektorlarynyń shtattyq sany 439, olardyń kómekshileri 85. Turǵylyqty mekenjaılary bolmaýyna baılanysty búginde 39 ýchaskelik ınspektordyń óz aýmaǵynda turýyna múmkinshiligi bolmaı otyr, – dedi Qurmet Májikenov.
Jambyl oblysy ákimi Nurjan Nurjigitov bıyl ótken jylǵa qaraǵanda bul salaǵa 5 mıllıard teńgeden astam qarjy artyǵymen bólingenin aıtty. Onyń ishinde quqyq qorǵaý qyzmetkerleriniń jalaqysyn 30 paıyzǵa kóterý, olardy avtokóliktermen, tıisti kerek-jaraqtarmen, arnaıy kıimdermen qamtamasyz etý máselesi de qarastyrylǵan.
«Bul salaǵa alda taǵy da qosymsha qarajat bólýdi oılastyryp jatyrmyz. Al shtatty kóbeıtý máselesine kelsek, eger Іshki ister mınıstrligi arnaıy qaýly shyǵaryp jatsa, biz qajetti qarajatty bólýge daıynbyz», - dedi oblys basshysy.
Buǵan deıin biz Tarazda eki balany qutqarǵan polıtsııa ınspektory marapattaldy dep jazǵan bolatynbyz.