Jambyl oblysyna 25 mıllıon teńgeniń temekisin zańsyz kirgizbek bolǵan

TARAZ. QazAqparat - QR Ulttyq qaýipsizdik komıteti Shekara qyzmeti Jambyl oblysy boıynsha departamentiniń áskerı qyzmetshileri «Keńes» shekara bólimshesiniń aýmaǵynda 43 000 qorap temeki ónimin Qazaqstanǵa zańsyz alyp ótkizý áreketine tosqaýyl koıdy, dep habarlaıdy QazAqparat tilshisi.

Kontrabandalyq taýardyń jalpy baǵalaý quny, shamamen 25 mıllıon teńge.

Departamenttiń baspasóz qyzmetiniń habarlaýynsha, anyqtalǵan taýar protsessýaldyq sheshim qabyldaý úshin Jambyl oblysy boıynsha ekonomıkalyq tergep-tekserý deparatmentine tapsyrylǵan.

Aıta keteıik, buǵan deıin Qyrǵyzstannan 17 mln teńgeniń temekisi kirgizilmek bolǵanyn jazǵan bolatynbyz.

«Sypataı batyr» men «Qordaı» avtokóliktik ótkizý pýnkterinde Qyrǵyzstannan 58 myń qorap temeki zattarynyń iri partııasyn Qazaqstanǵa zańsyz ótkizý áreketiniń joly kesildi. Kontrabandalyq taýardyń aldyn ala baǵalaý quny – 17 mln teńgege baǵalanǵan. Tárkilengen júk protsessýaldyq sheshim shyǵarý úshin Jambyl oblysy boıynsha Ekonomıkalyq tergeýler departamentine berildi.

UQK ShQ Jambyl oblysy boıynsha departamenti Memlekettik shekarany qorǵaý boıynsha belsendi sharalar atqaryp jatyr. Atap aıtqanda, 1 mamyrda áskerı qyzmetkerler Qazaqstan aýmaǵynda zańsyz júrgen Pákistan Islam Respýblıkasynyń 4 azamatyn Merke aýylynda ustady. Qylmystyq kodekstiń 392-baby 1-tarmaǵy boıynsha (Qazaqstan Respýblıkasynyń Memlekettik shekarasyn qasaqana zańsyz kesip ótý) sotqa deıingi tergeý bastaldy. Ustalǵandarǵa qatysty «qamaýǵa alý» bultartpas sharasy qoldanyldy.