Jambyl oblysy turǵyndarynyń úshten bir bóligi «Úlken el - úlken otbasy» jobasyna qatysty (FOTO)
TARAZ. QazAqparat - Jyl basynan beri Jambyl oblysynyń eldi mekenderinde otbasylyq qundylyqtardyń jalpyulttyq jobasynyń aıasynda myńnan astam sharalar uıymdastyryldy.
«Qazaqstan halqy Assambleıasynyń «Úlken el - úlken otbasy» atty kólemdi jobasy bıylǵy jylǵy sharalarǵa qatysqan 350 myńǵa jýyq jambyldyqtyń basyn qosty», - dedi aımaqtyq kommýnıkatsııalar qyzmetinde ótken brıfıngte Jambyl oblysynyń ákimi Kárim Kókirekbaev.
Ol sondaı-aq 2015 jyly oblysta «Máńgilik El» jalpyulttyq ıdeıasyn qoǵam sanasynda nyǵaıtý maqsatynda 30 myń adam qatysqan 180-nen astam shara ótkizildi.
Eske sala keteıik, Ult josparynyń 86-shy qadamy qazaqstandyq birdeılikti nyǵaıtyp, birtutas azamattyq birlikti qalyptastyrý úshin jaǵdaılar jasaıtyn «Úlken el - úlken otbasy» jalpyulttyq jobasynyń iske asyrylýyn anyqtaıdy.
