Jambyl oblysy turǵyndarynyń tabysyn arttyratyn joba nelikten qarjylandyrylmady
«2019 jyly Jambyl oblysynda pılottyq jobany («Jambyl oblysy turǵyndarynyń tabysyn ulǵaıtý») iske asyrý úshin (10 aýdannyń 25 eldi mekeni) jobalardy qarjylandyrýǵa respýblıkalyq bıýdjetten 2,5 paıyzben 7,2 mlrd teńge, aýyl sharýashylyǵy kooperatıvteriniń aınalym qarajatyn tolyqtyrý jáne aýyl sharýashylyǵy tehnıkasyn 5 paıyzben satyp alý úshin jergilikti bıýdjetten shamamen 1,3 mlrd teńge bólindi. Jambyl oblysy ákimdiginiń aqparaty boıynsha pılottyq jobany iske asyrýdyń aralyq nátıjeleri: jumyssyzdar sany 48 paıyzǵa nemese 540-qa (1 129-dan 589-ǵa deıin) qysqardy, AÁK alýshylar sany 32 paıyzǵa nemese 490-ǵa (1 539-dan 1049-ǵa deıin) azaıdy, ózin-ózi nátıjesiz jumyspen qamtyǵandar sany 35 paıyzǵa nemese 640-qa (1 846-dan 1 206-ǵa deıin) kemidi, 2 238 jumyspen qamtylǵandar men jumyssyzdar jeke kásipkerlik bolyp qaıta quryldy, 589 jańa jumys orny ashyldy», - dedi ol.
Úkimet basshysynyń atap ótýinshe, osy jobany odan ári iske asyrý maqsatynda oblys ákimdigi ortalyq ýákiletti organdarmen birlesip, «Eńbek» nátıjeli jumyspen qamtýdy jáne jappaı kásipkerlikti damytýdyń memlekettik baǵdarlamasyna buryn bólingen qaıtarymdy qarajatty qaıta paıdalanýǵa qatysty ózgerister engizý máselesin pysyqtaýda.
«2021 jylǵa arnalǵan respýblıkalyq bıýdjetten 11,5 mlrd teńge mólsherinde qosymsha qarajat 2021-2023 jyldarǵa arnalǵan respýblıkalyq bıýdjet jobasynda elimizdiń ekonomıkalyq jaǵdaıyna jáne respýblıkalyq bıýdjettiń múmkindigine baılanysty qarastyrylmady. Bolashaqta, elimizdiń ekonomıkalyq jaǵdaıy jáne respýblıkalyq bıýdjettiń múmkindigi jaqsarǵan jaǵdaıda pılottyq jobany iske asyrý úshin respýblıkalyq bıýdjetten qosymsha qarajat bólý máselesi birinshi kezekte qaralatyn bolady», - dedi Premer-Mınıstr.
Sonymen qatar ol 2021-2023 jyldarǵa arnalǵan respýblıkalyq bıýdjet jobasynda aýyl sharýashylyǵy salasyndaǵy ýákiletti memlekettik organnyń shyǵystary aıasynda kásipkerlik bastamalardy qoldaýǵa 2021 jylǵa jalpy somasy 20 mlrd teńge, onyń ishinde Jambyl oblysyna 2,5 mlrd teńge kózdelgenin atap ótedi.
«Bul qarajat «Eńbek» baǵdarlamasyna qatysýshylarǵa kredıtter/mıkrokredıtter berýge baǵyttalǵan aýyldyq eldi mekenderde jáne shaǵyn qalalarda bıznes-jobalardy iske asyrýǵa arnalǵan. Aýyl sharýashylyǵyn damytý jáne elimizdiń turǵyndarynyń tabysyn ulǵaıtý máseleleri Qazaqstan Respýblıkasy Úkimetiniń basym baǵyttarynyń biri bolyp tabylady jáne turaqty baqylaýda», - dedi Asqar Mamın.
