Jambyl oblysy turǵyndaryna «QazVac» vaktsınasynyń 200 dozasy salynady
TARAZ. QazAqparat – Jambyl oblysynda halyqqa «QazVac» otandyq vaktsınasyn salý bastaldy. Kúni keshe óńirge 2000 doza otandyq vaktsına jetkizildi,- dep habarlaıdy QazAqparat tilshisi.
Qazaqstandyq vaktsınanyń ǵylymı ataýy — QazCovid-in, onyń taýarlyq ataýy – QazVac.
Oblystyq densaýlyq saqtaý basqarmasy baspasóz qyzmetiniń habarlaýynsha, vaktsına 2 ret 21 kún aralyqpen júrgiziledi. Ol arnaıy tońazytqyshtarda saqtalady jáne barlyq basqa vaktsınalar sııaqty +2, +8 gradýs temperatýra rejıminde termokonteınerlerde tasymaldanady. Otandyq vaktsınanyń ereksheligi – muzdatýdyń qajeti joq, ıaǵnı nóldik parametrleri bar tońazytqysh jabdyqtar qajet emes.
«Taraz, Shý qalalarynyń jáne 10 aýdannyń 20 emhanasynyń barlyq egý kabınetteri otandyq vaktsınamen qamtyldy jáne egý jumystary bastaldy. Budan bólek, oblysqa aǵymdaǵy jyldyń 1 aqpanynan bastap Spýtnık V vaktsınasynyń 51300 dozasy jetkizildi. Oblysta Spýtnık V vaktsınasynyń 1 komponentimen — 33425 adam egildi, onyń ishinde 21 kúnnen keıin 8504 adam vaktsınanyń 2 komponentin aldy ( 25%). Vaktsına alǵandar tarapynan densaýlyǵyna teris áser berip, shaǵym keltirgender tirkelgen joq. Búgingi kúni oblystyń barlyq emhanalarynda 18 jastan asqan, qarsy kórsetilimderi joq adamdarǵa QazCovid-in otandyq vaktsınasymen jáne Spýtnık V vaktsınasyn egý jumystary júrip jatyr»,-delingen atalǵan basqarmanyń baspasóz qyzmetiniń habarlamasynda.
