Jambyl oblysy Turar Rysqulov aýdanynyń burynǵy ákimine sot úkimi shyqty

NUR-SULTAN. QazAqparat – Jemqorlyqqa qatysty qylmysy úshin sotty bolǵan T. Rysqulov aýdanynyń burynǵy ákimi A. S. Qyryqbaevqa 6 mln teńge aıyppul salynyp otyr, dep habarlaıdy QazAqparat tilshisi.

«Qyryqbaev óziniń ókilettigin asyra paıdalanǵany úshin aıypty dep tanylyp otyr. Anyqtalǵanyndaı, vedomstvoǵa qarasty uıymdardyń egin egý men orýǵa arnalǵan tehnıkasyn qar shyǵarýǵa paıdalanǵan. Sonymen qatar «Merki joldary» JShS dırektory arqyly úshinshi adamǵa 2 mln teńge berý jóninde tapsyrma bergen», - dedi Sybaılas jemqorlyqqa qarsy is-qımyl agenttiginiń birinshi departamentiniń aǵa tergeýshisi Danııar Bıgaıdarov agenttikte ótken baspasóz máslıhatynda.

Osy jyldyń 4 naýryzynda Taraz qalasynyń №2 sotynyń úkimimen Qyryqbaevqa 2 500 AEK (6 312 500 teńge) kóleminde aıyppul salyndy. Sottalǵan ákim ómir boıy memlekettik qyzmette qyzmet atqarý quqyǵynan aıyryldy.