Jambyl oblysy taýlaryndaǵy órtti sóndirý kezinde orman qoryqshysy qaza tapty
TARAZ. QazAqparat - Órt sóndirýshiler, orman sharýashylyǵy qyzmetkerleri jáne erikti órt sóndirýshiler quramy Jambyl oblysyndaǵy shyǵýy qıyn taýly jerlerde órtpen arpalysyp jatyr, dep habarlaıdy Tótenshe jaǵdaılar komıtetiniń baspasóz qyzmeti.
5 tamyzda, tústen keıin Jambyl oblystyq Tótenshe jaǵdaılar departamentiniń bólimshesine qurǵaq shóptiń órtenip jatqandyǵy týraly habar túsken.
Tilsiz jaýdy aýyzdyqtaýǵa Jambyl oblysynyń Órt sóndirý qyzmetiniń 40 órt sóndirý mashınasy men 3 tehnıkasy, orman sharýashylyǵynyń 35 adamy men 5 tehnıkasy, erikti órt sóndirý quramasynyń10 adamy men 2 tehnıkasy jumyldyrylǵan.
Turar Rysqulov aýdanyrnyń ákimdigi órtpen arpalysyp jatqan adamdarǵa azyq-túlik jetkizdi.
«Tabıǵı órtti sóndirý kezinde qaıǵyly oqıǵa boldy. Aqyrtóbe orman sharýashylyǵynyń orman qoryqshysy bıiktikten qulap, qaza tapty»,-delingen TJK habarlamasynda.
«Qazormanavıaqorǵaý» RMQK málimetterine qaraǵanda, Qazaqstan terrıtorııasyndaǵy jalyn sharpyǵan aýmaq 200 gektarǵa jýyq.
Qazirgi ýaqytta tilsiz jaý jalmaǵan aýmaq órt qaıta órshimes úshin úzdiksiz baqylaýǵa alynǵan.
