Jambyl oblysy sý tapshylyǵy máselesin qalaı sheshpek

ASTANA. QazAqparat – Ortalyq kommýnıkatsııalar qymetindegi brıfınginde Jambyl oblysynyń ákimi Nurjan Nurjigitov aýyl sharýashylyǵy úshin qoldanylatyn sýdyń tapshylǵyn boldyrmaý úshin qandaı sharalar qolǵa alynǵanyn baıandady, dep habaraıdy QazAqparat tilshisi.

«Memleket basshysynyń sýarmaly jer kólemin arttyrý jónindegi tapsyrmasyna sáıkes, oblysta sýarmaly egis alqabyn ulǵaıtý úshin aýqymdy sharalar qolǵa alyndy. Ol úshin arnaıy Jol kartasy bekitildi. Karta aıasynda 2025 jylǵa deıin 124 myń gektar alqapty qalpyna keltirý kózdelýde. Halyqaralyq qarjy ınstıtýttary arqyly 40 mlrd.teńge qarjy bólinip, 33,9 myń gektar sýarmaly alqap qalpyna keltirildi. Sonymen qatar, 257 nysanǵa jóndeý jumystaryn júrgizý arqyly 54,9 myń gektar alqapty aınalymǵa qosýdy kózdep otyrmyz», - dedi Nurjan Nurjigitov.

Óńir basshysynyń aıtýynsha, aýyl sharýashylyǵy maqsatyndaǵy sý tapshylyǵyn boldyrmaý úshin oblysta 14 sý qoımasy salynady.

«Budan bólek, jergilikti bıýdjet esebinen - 11, respýblıkalyq bıýdjet esebinen 3 sý qoımasynyń qurylysy júrgiziletin bolady. Aýyl sharýashylyǵy maqsatyndaǵy sý tapshylyǵyn joıýdyń birden bir tetigi retinde biz jerasty sýy qoryn paıdalanýdy qolǵa aldyq. Aıtalyq, 646 uńǵyma qazý josparlanyp, búgingi tańda onyń 86-sy qazyldy», - dep túıindedi Jambyl oblysynyń ákimi Nurjan Nurjigitov.