Jambyl oblysy selge daıyndalyp jatyr
TARAZ. QazAqparat - Jambyl oblysynyń TJ departamenti kóktemgi tabıǵı apattarǵa qarsy saqadaı-saı daıyndyq ústinde. Sel basý qaýpi bar aýdandardyń aýmaqtarynda halyqty qorǵaý baǵytyndaǵy keshendi sharalar atqarylyp jatyr, dep habarlaıdy «QazAqparat» HAA tilshisi.
«Óńirdegi Shý, Talas jáne Asa ózenderi arnasynan asyp ketýi múmkin. Taýly óńirler bolyp sanalatyn Jýaly, Merki, Rysqulov, Qordaı jáne Talas aýdandaryndaǵy Qaraqońyz, Yrǵaıty, Aspara, Merke, Qaraqystaq, Qaıyńdy, Aqsaı jáne Kóksaı ózenderinde laı aralas sel júrý qaýpi bar. Kún kúrt jylynsa taý sýy kóbeıip, sý qoımalary tolyp ketýi múmkin. Oblystaǵy 117 sý qoımasynyń 14-i turǵyndarǵa qaýip tóndiredi»,-deıdi oblystyq TJD basshysy Erik Alpysbaev.
Turǵyndardy evakýatsııalaý týyndaǵan jaǵdaıda oblysta 40 qabyldaý pýnkti daıyndalǵan. 57 nysan jedel medıtsınalyq qyzmet kórsetýge ázir otyr jáne dári-dármek qorymen qamtamasyz etilgen. Jek quramnyń 2000 astam adamy saqadaı-saı, sonymen qatar 590 tehnıka birligi men 50 den astam motopompa ázirlenip qoıylǵan.
