Jambyl oblysy prokýrorlarynyń aralasýymen 160 múgedek bala járdemaqy aldy

TARAZ. QazAqparat -  Jambyl oblysynyń prokýrory memlekettik áleýmettik qoldaýǵa muqtaj balalardyń quqyqtaryn qorǵaý boıynsha sharalar qabyldaýda, dep habarlady Jambyl oblysy prokýratýrasynyń baspasóz qyzmetine silteme jasap «QazAqparat» HAA tilshisi.

«Jýaly aýdanynda prokýratýra aýdandyq áleýmettik qyzmetkerlerdiń kinásinen ózderine tıesili járdemaqyny 84 bala ala almaǵynyn anyqtady, - dep atap ótti aýdan prokýrory Seker Búrkitbaev. - Laýazymdy tulǵalar ótinish berýshiler naqty málimet berilgenine qaramastan, tabysy týraly málimet bermedi dep, járdemaqy tóleýden bas  tartqan».

Úsh balanyń ákesi Ashat Ǵarıfýllın de járdemaqy berilmeı qalǵandardyń biri. Jýaly aýdandyq prokýratýrasynyń usynymy boıynsha balalar járdemaqy ala bastady. Shý aýdanynda prokýrorlar aýdandyq jumyspen qamtý jáne áleýmettik baǵdarlamalar bólimi ákimdiktiń «Úıde tárbıelenip, bilim alyp jatqan múgedek balalardy materıaldyq qamtamasyz etý týraly» qaýlysynyń kúshin joıýǵa baılanysty 77 múgedek balaǵa járdemaqy tóleýdi toqtatqanyn anyqtady.