Jambyl oblysy óńdeý sektory men sheteldik kásiporyndar sany jaǵynan kóshbasshy bolyp otyr - Albert Raý
QR Indýstrııa jáne jańa tehnologııalar birinshi vıtse-mınıstri Albert Raý búgin M. Dýlatı atyndaǵy Taraz memlekettik ýnıversıtetinde ótip jatqan "TarazInvest 2012" forýmynda osylaı aıtty.
«Indýstrııayq-ınnovatsııalyq údemeli damý baǵdarlamasyn júzege asyrýda aımaqtaǵy ınvestıtsııalyq ahýaldyń mańyzy óte zor. Indýstrııa jáne jańa tehnologııalar mınıstrligi Syrtqy ister mınıstrligimen birlesip áleýetti ınvestor bola alatyn álemniń 169 jetekshi ǵalamdyq kompanııasyn anyqtady. Endi jyl sońyna deıin Investıtsııalyq komıtet ınvestıtsııalyq saıasatqa qatysty ulttyq josparǵa birqatar ózgerister engizedi», - dedi A.Raý.
Onyń aıtýynsha, Jambyl oblysy qazir respýblıka boıynsha óńdeý sektory men sheteldik kásiporyndar sany jaǵynan kóshbasshy bolyp otyr. Oblystyń ındýstrııalandyrý strategııasy sátti júzege asyrylýda. Hımııa klasteri Jambyl oblysynda qurylatyn erkin ekonomıkalyq aımaqta odan ary damıtyn bolady. Bul Qazaqstandaǵy 10-shy erkin ekonomıkalyq aımaq bolmaq. Elbasy qaraýynda jatqan atalmysh qujatqa jaqyn arada qol qoıylady dep josparlanýda.
