Jambyl oblysy: Qurban aıttyń birinshi kúni 23 495 otbasyǵa et úlestirildi

TARAZ. QazAqparat - Qasıetti Qurban aıt merekesiniń alǵashqy kúni ısi musylman jamaǵat qurban maldaryn shalyp, Taraz qalasy meshitterine qarasty 2 qasaphanada jáne aýdan qasaphanalarynda tynbaı jumys júrgizdi, dep habarlaıdy QazAqparat tilshisi.

Qasaphanalardy QMDB-nyń Jambyl oblysy boıynsha bas ımamy Beıbit Myrzageldıev bastaǵan ımamdar baqylaýda ustap, qurbandyqqa shalynǵan maldyń etin kómek alýǵa tirkelgen otbasylarǵa taratyp berýde.

Aıta keteıik, áleýmettik jaǵdaıy tómen otbasylardy tirkeý qurban2023.kz saıty boıynsha júrgizilgen bolatyn. Nátıjesinde bir kún ishinde Jambyl oblysy boıynsha 23 495 otbasy etteı kómek alyp úlgerdi.

Et erikti jastardyń kómegimen muqtaj jandardyń mekenjaılaryna jetkizilip berildi.

Aıta keteıik, buǵan deıin Jambyl oblysynda tórt túlikti asyldandyrý jumystary bastalǵanyn jazǵan bolatynbyz. Osy maqsatta Kókdónen aýyldyq okrýginiń turǵyndaryna kelesi jyldyń kókteminen bastap «Asyldandyrý baǵdarlamasy» qoljetimdi bolady. Nátıjesinde et ónimderi de birshama kóbeıýi tıis.

Jambylda ıgerilmegen 379 myń gektar jaıylym jer memleket menshigine qaıtarylǵanyn jazǵan bolatynbyz.

Sharýa qojalyqtarynyń jerlerine kedergisiz mal jaıýǵa 510 myń gektarǵa memorandým jasalyp, ıgerilmegen 379 myń gektar jaıylym jer memleket menshigine qaıtaryldy. Nátıjesinde, jetispeıtin jaıylym jerlerdiń kólemi 683,6 myń gektardan 164 myń gektarǵa qysqardy.