Jambyl oblysy kólikti onlaın tirkeý kórsetkishi boıynsha birinshi orynda tur

TARAZ. QazAqparat - Jambyl oblysy kólikti onlaın tirkeý kórsetkishi boıynsha respýblıka boıynsha birinshi oryna tur. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «ZHEIF-2023» forýmynyń qatysýshylarymen kezdesý barysynda aıtty, dep habarlaıdy QazAqparat tilshisi.

Jyl saıyn halyqqa kórsetiletin memlekettik qyzmetterdiń túri artyp keledi. Búginde turǵyndarǵa osyndaı qyzmettiń 1315 túri kórsetilgen. Ótken jyly Jambyl oblysynda 1 mıllıon 800 myń qyzmet kórsetilgen bolsa, onyń 60 paıyzy onlaın túrde júzege asqan.

Mınıstrdiń aıtýynsha, memlekettik qyzmetterdi tsıfrlandyrý isi tıisti deńgeıde damyp kele jatyr. Jetistikter de az emes. Qazirgi tańda memlekettik qyzmetterdiń 92 paıyzy avtomattandyrylǵan jáne elektrondy formatqa aýysqan. Birikken Ulttar Uıymynyń reıtıngisine sáıkes, Qazaqstan onlaın qyzmet kórsetý boıynsha álemde 8-orynda bolsa, telekommýnıkatsııa salasynda 28-oryndy ıelengen.

Aıta keteıik, buǵan deıin Jambyl oblysynda 700 mln dollardyń memorandýmdaryna qol qoıylyp, 20-ǵa jýyq kelissóz júrgizildi dep habarlaǵan bolatynbyz.