Jambyl oblysy kedeniniń laýazymdy tulǵalaryna qatysty 15 qylmystyq is qozǵaldy - QR QM KBK

ASTANA. 21 aqpan. QazAqparat - Buǵan deıin habarlanǵandaı, QR Qarjy mınıstrligi Kedendik baqylaý komıteti Іshki qaýipsizdik basqarmasynyń qyzmetkerleri ótkizgen shuǵyl is-sharalardyń nátıjesinde

Túrkııadan Qyrǵyzstan Respýblıkasyna tasymaldanatyn taýarlardyń «jalǵan tranzıtiniń» syzbasy áshkerelendi. Atalmysh fakti boıynsha QR QK-niń 209-baby boıynsha (ekonomıkalyq kontrabanda) 15 qylmystyq is qozǵaldy. Bul týraly Kedendik baqylaý komıteti Qoǵammen jáne BAQ-pen baılanys jónindegi bólimnen málim etti.

Atalǵan qylmystyq isterdi tergeý barysynda olarǵa Jambyl oblysy boıynsha Kedendik baqylaý departamentiniń laýazymdy tulǵalarynyń qatystylyǵy anyqtaldy. Olar «Qarasý» jáne «Qordaı» keden beketteriniń qyzmetkerleri - Qalymhanov Ǵ.A., Báımenov S.S., Júsipbekov M.B., Oryntaı N.K. jáne Ýmanovskıı N.S. Olar «jalǵan tranzıt» krımınaldyq syzbasyn paıdalana otyryp, ózge tulǵalarǵa paıdalar men artyqshylyqtardy alyp kelý maqsatynda, qyzmet múddesine qaıshy kele, uzaq ýaqyt boıy málimetter bazasyna jalǵan derekterdi engizip, kedendik baqylaýǵa jatatyn halyq tutynatyn taýarlar Qazaqstan Respýblıkasynyń aýmaǵynan is júzinde shyǵarylmastan, kedendik tranzıttiń protsedýrasyn aıaqtaǵan.

Anyqtalǵan faktiler boıynsha atalǵan tulǵalarǵa qatysty QR QK-niń 307-baby (laýazymdyq qyzmetti asyra paıdalaný) boıynsha qylmystyq ister qozǵaldy.