Jambyl oblysy densaýlyq saqtaý basqarmasyna jańa basshy taǵaıyndaldy

TARAZ. QazAqparat – Jambyl oblysy ákiminiń ókimimen Áset Qalıev Jambyl oblysy ákimdiginiń densaýlyq saqtaý basqarmasynyń basshysy bolyp taǵaıyndaldy,-dep habarlaıdy QazAqparat tilshisi oblys ákimdiginiń resmı saıtyna silteme jasap.

Qalıev Áset Áskerbekuly 1974 jyly týǵan, bilimi joǵary.

1997 jyly Aqtóbe memlekettik medıtsına akademııasyn «dáriger-hırýrg» mamandyǵy boıynsha bitirgen.

Eńbek jolyn 1997 jyly Aqtóbe memlekettik medıtsına akademııasynyń gospıtaldyq hırýrgııa kafedrasynyń klınıkalyq ordınatory retinde bastaǵan. Ár jyldary Aqtóbe memlekettik medıtsına akademııasynyń aspıranty jáne Aqtóbe qalasy jedel járdem aýrýhanasynyń hırýrg dárigeri, bólim meńgerýshisi, M.Ospanov atyndaǵy Batys Qazaqstan memlekettik medıtsına ýnıversıtetiniń hırýrgııa kafedrasynyń assıstenti bolyp eńbek etken.

2008-2014 jyldary Aqtóbe oblysy ákimdiginiń densaýlyq saqtaý basqarmasynyń bas mamany (bas hırýrgy), bólim basshysy, basqarma basshysynyń orynbasary qyzmetterin atqarǵan.

2014 jyly Aqtóbe oblysy ákimdiginiń densaýlyq saqtaý basqarmasynyń basshysy bolyp taǵaıyndalǵan.

2020 jylǵy shildeden bastap Jambyl oblysy ákiminiń densaýlyq saqtaý máseleleri boıynsha keńesshisi laýazymynda qyzmet atqaryp keldi. Medıtsına ǵylymdarynyń doktory.