Jambyl oblysy boıynsha tekserý komıssııasynyń tóraǵasy alaıaqtyq úshin sottaldy

NUR-SULTAN. Qazaqparat – Jambyl oblysy boıynsha tekserý komıssııasynyń tóraǵasy Janatbek Djaparovqa 45 mln teńge aıyppul jazasy taǵaıyndaldy, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

«12 tamyzda Taraz qalasynyń №2 sotynyń úkimimen Jambyl oblysy boıynsha tekserý komıssııasynyń tóraǵasy Janatbek Djaparov alaıaqtyq úshin kináli dep tanylyp, oǵan 45 mln teńge kóleminde aıyppul jazasy taǵaıyndalyp, memlekettik qyzmette laýazymdardy atqarý quqyǵynan aıyryldy.

2020 jyldyń qyrkúıek aıynda Djaparov sýbsıdııa tóleý zańdylyǵy boıynsha ońtaıly aýdıtorlyq esep berýge yqpal etkeni úshin kásipkerden 3 mln teńge alǵan», - delingen resmı habarlamada.