Jambyl oblysy boıynsha memlekettik kiris departamentiniń úsh qyzmetkeri jemqorlyqqa bardy dep aıyptalyp otyr
TARAZ. QazAqparat - Jambyl oblysyndaǵy jemqorlyqqa qarsy qyzmettiń qyzmetkerleri oblystyq memlekettik kiris departamentiniń úsh mamanyn para alǵany úshin ustady.
Bul týraly QR memlekettik qyzmet jáne jemqorlyqqa qarsy kúres Agenttigi departamentiniń baspasóz qyzmetinen málimdedi.
Departamentke kelgen T. degen azamat memlekettik kiris departamentiniń qyzmetkerleri onyń kásipkerlik isin taratý úshn 55 myń teńge suraǵanyn aıtqan.
Sol kúni medıtsınalyq ortalyqtyń mańynda aqshanyń bir bóligi (30 myń tg) memkiris departamentiniń M. degen qyzmetkerine berilip, ol sol jerde ustalǵan. Salyq ınspektory bul qarajat ózge mamanǵa tıesili ekenin aıtqan.
Tergeý sharalaryn júrgizý barysynda qaladaǵy dámhanalardyń birinde 55 myń teńgeni berip jatqan kezde memlekettik kiris departamentiniń ózge jetekshi mamany A. ustaldy.
Tergeý anyqtaǵandaı, JK-ni taratý ustalǵan jetekshi mamannyń ókilettiligine kirmegen. Al alynǵan qarajattyń 15 myń teńgesi memlekettik kiris basqarmasynyń jetekshi mamany D.-ǵa tıesili ekenin aıtty. Ol A. mamannan parany alyp jatqan kezinde memlekettik kiris basqarmasynyń mekemesinde ustaldy.
Inspektorlar tegin kórsetiletin qyzmet úshin para suraǵan.
Qazirgi ýaqytta sotaldy tergeý jumystary júrip jatyr.
