Jambyl oblysy aýyldyq okrýgteriniń ákimderi ózderine syıaqy aýdarǵany úshin jazalandy
TARAZ. QazAqparat - Jambyl prokýratýrasy aýyldyq okrýg basshylary zańsyz alǵan qarajatty memlekettik bıýdjetke qaıtardy, dep habarlady «QazAqparat» HAA tilshisi oblys prokýratýrasynyń baspasóz qyzmetine silteme jasap.
«Birden úsh aýyldyń ákimi zańsyz syılyqaqy alǵany úshin jaýapkershilikke tartyldy, dedi qadaǵalaý organynyń baspasóz qyzmetiniń basshysy Abyroı Azmatov. - Jýaly aýdanynyń prokýratýrasy jergilikti atqarýshy organdar qyzmetin taldady, olar Jýaly aýdanynyń aýyldyq okrýgteri - Kúreńbel, Qyzylaryq, Qoshqarata, Jetitóbeniń tórt ákimi ózderine, qyzmetkerlerine zańsyz syılyqaqy aýdarǵan».
«Eskertý» túrinde tártiptik jazasy bola tura Qoshqarata aýyldyq okrýginiń ákimi ózine 198 myń teńge kóleminde syıaqy aýdarǵan.
«Qalǵan úsh ákimdik qyzmetkerleri synaq merziminde bolǵanyna qaramastan, olarǵa 400 myń teńge syıaqy aýdarǵan. Prokýratýranyń aktisi boıynsha zańsyz alynǵan qarajat memlekettik bıýdjetke qaıtaryldy», - dep naqtylady oblystyq prokýratýrada.
Jýaly aýdany prokýratýrasynyń usynymy boıynsha Kúreńbel, Qyzylaryq, Jetitóbe ákimderine jeke jáne (nemese) zańdy tulǵalarǵa zańsyz artyqshylyq kórsetkeni úshin qyzmettik mindetine tolyq sáıkes kelmeıtini týraly sheshim qabyldandy. Negiz - «Memlekettik qyzmet týraly» zańnyń 50-baby 1-bólimi, 4-tarmaǵy.
