Jambyl oblysy arqyly ótetin qyrǵyz avtojolyna bóget qorshaýlar qurylyp jatyr – feık

ASTANA. QazAqparat – «Jambyl oblysynda Bishkek-Naryn-Torýgart qyrǵyz avtojolyn qoldanýǵa bóget jasaıtyn ınjenerlik qorshaýlar qurylyp jatyr». Áleýmettik jelide taraǵan osy aqparat shyndyqqa janaspaıdy, dep habarlaıdy QazAqparat QR UQK baspasóz qyzmetine silteme jasap.

«Áleýmettik jelilerde QR UQK Shekara qyzmeti áskerı qyzmetshileri Jambyl oblysynda Qazaqstan aýmaǵy arqyly ótetin 800 metrlik Bishkek-Naryn-Torýgart qyrǵyz avtojolyn qoldanýǵa bóget jasaıtyn ınjenerlik qorshaýlardy quryp jatqany týraly aqparat taralyp jatyr. Bul aqparat shyndyqqa sáıkes kelmeıdi.

Atalǵan ýchaske boıynsha qozǵalys Qazaqstan-Qyrǵyzstan memlekettik shekarasyndaǵy kelisimge (2017 jylǵy 25 jeltoqsannan) saı júzege asady.

QR UQK Shekara qyzmeti osy jol ýchaskesine jaqyn jerge ınjenerlik qorshaýlar ornalastyrýda atqara bastady. Bul jumystar qazaqstandyq aýmaqta júrgizilip jatyr. Qoıylyp jatqan qorshaýlar shekara rejıminiń buzylýyna jol bermeýge jáne eki jaqty Kelisimderdiń saqtalýyna jaǵdaı jasaıdy.

Júrgizilip jatqan jumystar tranzıttik ótýge kedergi keltirmeıtinin jáne jol qozǵalysynyń toqtatylmaǵanyn atap ótkimiz keledi. Qyrǵyzstandyq seriktester qoıylatyn qorshaýlar týraly aldyn ala habardar etilgen», - delingen resmı habarlamada.