Jambyl oblysy ákimdigi janyndaǵy mekeme basshysy para alý kúdigine ilikti

JAMBYL OBLYSY. QazAqparat - Jambyl oblysy ákimdigi janyndaǵy memlekettik mekeme basshysynyń ústinen is qozǵaldy, dep habarlaıdy QazAqparat tilshisi.

«Jambyl oblysynyń sybaılas jemqorlyqqa qarsy qyzmeti Jambyl oblysy ákimdigi janyndaǵy memlekettik mekemelerdiń biriniń basshysynyń para alý faktisin áshkereledi. Ol 350 myń teńge para aldy degen kúdikke ilinip otyr», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginen.

Agenttikten habarlanǵandaı, ol bul somany áskerge shaqyrylýshylardy ystyq tamaqpen qamtý boıynsha memlekettik satyp alý kelisimsharty aıasynda kásipkerge qamqorlyq kórsetý úshin alǵan.

«Qazirgi ýaqytta tergeý júrgizilip jatyr. Kúdiktiniń isi sotta qaralyp, sheshim shyǵarylady», - delingen málimette.