Jambyl oblystyq qarjy polıtsııasy departamenti «Ivan qurylys» JShS basshysyna qatysty qylmystyq is qozǵady

dep habarlady vedomstvonyń baspasóz qyzmetinen.

2010 jyly Jambyl oblysy Moıynqum aýdany ákimdigiginiń bilim berý, dene shynyqtyrý jáne sport bólimi Birlik aýylyndaǵy «Aqbópe» balabaqshasy memlekettik komýnaldyq qazynashylyq kásipornyna kúrdeli jóndeý jumystaryn júrgizýge memleketten qarajat bólip, osy jumystardy atqarýdy memlekettik satyp alý konkýrsynyń jenimpazy bolyp tanylǵan «Ivan qurylys» JShS-ne júktegen.

Osyǵan oraı, «Aqbópe» balabaqshasynyń dırektory men «Ivan qurylys» JShS dırektory arasynda mekeme ǵımaratyna 8 mln. teńgege kúrdeli jóndeý jumystaryn júrgizýge kelisimshart jasalynyp, jóndeý jumystaryn 2010 jylǵy qyrkúıekke deıin smetalyq qujattarǵa saı sapaly júrgizip shyǵýǵa mindettelgen.

Alaıda, qarsy tekserý júrgizý kezinde «Ivan qurylys» JShS dırektory memleket qarajatyn alaıaqtyq jolmen urlaý maqsatynda smetalyq qujattarda qaralǵan jóndeý jumystaryn tolyq kólemde oryndamaǵandyǵy anyqtaldy. Ol 2010 jylǵy shildede atqarylǵan jumystar týraly aktilerge jáne anyqtamalarǵa memleket qarjysyn urlaý maqsatynda, atqarylmaǵan jumystardy qosa jazyp, ıemdenip alǵan.

Sot saraptama qortyndysyna sáıkes, «Aqbópe» balabaqshasyna jasalynǵan kúrdeli jóndeý jumystary 2010 jyldyń shilde-tamyz aılaryndaǵy atqarylǵan jumystar týraly aktilerge saı bolmaı shyǵyp, atqarylmaǵan jumystardyń quny 1 mln. teńgeni quraǵan.

Qazirgi ýaqytta qylmystyq is aıyptaý qortyndysymen aýdan prokýratýrasyna joldandy.